Ниһаять, билгеләнгән көн килеп җитте. Зәвык белән матурлап бизәлгән зал укучылар, укытучылар, әти-әниләр белән шыгрым тулы иде. Бу көнне мәктәпнең актлар залына өйләрдән иләк тә, чиләк тә, читек тә, комган да һәм башка йорт кирәк-яраклары күчкән иде. Балалар “Шалкан”, “Чуар тавык”, “Тиремкәй”, А. Алишның “Чукмар белән Тукмар” әкиятләренең үзгәртелгән төрләрен күрсәттеләр.

Хөкемдарларга җиңүчеләрне билгеләү җиңел булмады. Уйлашып, киңәшкәннән соң I урын “Чуар тавык” әкияте өчен 2 б сыйныфына (җитәкчесе Н. Мигачева), II урын “Шалкан” әкияте белән 4 б сыйныфына (җитәкчесе Т. Столярова, А. Мохота), III урын “Безнең гаилә” (шалкан әкиятенең үзгәртелгән варианты) әкияте өчен 2 а сыйныфына бирелде.

Балалар әкиятләр аша, гаилә бәхете бердәмлектә, татулыкта икәнлегенә төшенделәр. Һәр укытучы куйган максатына иреште. Гомумән безнең мәктәптә укытучы, бала, әти-әниләр тыгыз элемтәдә торып, бер гаилә булып яшиләр, эшлиләр.