тиздән Нократ яр буе эскәмияләр, аллеялар һәм башка атрибутлар белән тулыландырылган, шәһәр халкының күз явын алырлык ял урынына әвереләчәк. Пожарка тавы да халык күңелен яулаячак: анда декорация эшләре башкару планлаштырыла. Моның өчен махсус белгеч чакыртылган, тиздән шәһәрнең бу өлешендә декоратив фигуралар урын алачак. Шәһәрне төзекләндерү эшләре болар белән генә төгәлләнми, капиталь ремонт программасы буенча да эш алып барылачак. Барлыгы 28 торак йортта ремонт үткәрү каралган. Ушма елгасы ярын ял урыны итеп үзгәртү буенча проект эшләнгән. Яшь парларны сөендереп, ЗАГС бүлеге дә агымдагы елда куллануга тапшырылыр дип ниятләнә. Рамил Миннеханов әйтүенчә, шәһәрне төзекләндерү буенча планнар зурдан һәм алар барысы да тормышка ашырылачак.