Яшьләр белән эшләүне оештыру өчен мөмкинлекләр тагын да киңәйде. Чөнки берничә көн элек яшьләр эшләре идарәсе берничә бүлмәне биләгән спорт-савыктыру комплексыннан “Энергия” стадионы бинасына күчте. Монда идарә белгечләре өчен аерым бүлмәләр бирелде. Студент төзү отрядлары үзәге, яшүсмерләрнең «Форпост» клубы, яшьләрне торак белән тәэмин итү программасы буенча эшләүне алып бару секторы, балалар һәм яшүсмерләргә психологик ярдәм күрсәтү (“ышаныч” телефоны) хезмәте дә шушында урнашты. Гомумән, биредә яшьләрнең үз штабы булдырылды.