Программаны алып баручы Гена тамашачыларны бию, “Конфет капкан килеш сөйләш”, ”Яшьләр тәмәкегә каршы”, кетчуп һәм майонез сылап банан ашау кебек  конкурсларга җәлеп итте. Бәйрәмгә велосипедлар белән килүчеләр өчен  велоконкурс оештырылды. Теләге булучылар уеннарда рәхәтләнеп катнаштылар һәм бүләкләр алдылар.

Яшьләр эшләре һәм спорт бүлеге начальнигы Фәрит  Шәйхетдинов район тормышында  актив катнашучылар – “Яшь гвардия” иҗтимагый-сәяси хәрәкәт активисты Ринат Шәрифҗановны, “Дулкыннар” конкурсы финалчысы  Гөлназ Вәлиеваны, “Өмет”  халыкка социаль хезмәт күрсәтү үзәге  психологы  Олеся Тансыккужинаны, 2 нче мәктәп укытучысы, яшь педагоглар ассоциациясе әгъзасы Эльмира Сәмигуллинаны, районның фән олимпиадалары  призеры Ринат Керимовны, “алтын” медальгә ия Регина Абдулбадыйгованы,  мәдәният бүлеге хезмәткәре Руслан Гаделшинны уңышлары белән котлап, тантаналы төстә  грамоталар һәм истәлекле бүләкләр тапшырды.