Әлеге эш белән Яр Чаллы шәһәренең “Центрстрой” ҖЧҖнән өч бригада шөгыльләнә. Бүгенге көндә алар Коммунистлар урамы, 1, Давыдов урамы, 86, Гагарин урамы, 10нчы йортларда эшлиләр. Соңгысында бүген бинага каркаслар җыела. Аны төгәлләү белән фасад урнаштыру башланачак.

Участок начальнигы Фәнис Гарәфетдинов әйтүенә караганда, югарыда аталганнардан соң тагын биш объектта эшлисе кала. Төзелеш материаллары белән тоткарлыклар булмаганда, барлык йортлар сентябрьгә тышланып бетәчәк.

Рәсемдә: Гагарин урамы, 10нчы йортта каркас җыю эшләре бара.

Г.Мөхәммәтҗанова тексты һәм фотосы.