Федераль программа кысаларында торак йортларны ремонтлау дәвам итә.

Йортларның кайберләрендә планлаштырылган эшләр инде төгәлләнү алдында булса, икенчеләрендә ул яртылаш яисә өлешчә башкарылган.

Төзүчеләр урамының 11нче йортында төзекләндерүне “Ритм” ҖЧШ алып бара. Ремонтчылар билгеләнгән графикларны үтәргә тырышалар. Биредә йортның җылылык, канализация системасы ремонтланып, фасадны җылыту, түбә ябу, электр челтәрен төзекләндерү кебек эшләр планлаштырыла. Әлеге эшләр өчен 2 миллион 393 мең сумнан артык финанс чыгымнары тоту карала. Төзекләндерү эшләре 15 сентябрьгә төгәлләнергә тиеш.

Никифоров урамындагы 83нче “А” йортын төзекләндерү буенча да “Скат” ҖЧШ шактый күләмдә эш башкарды инде. Шәһәрдә иске кунакханә буларак билгеле әлеге йорт тиздән танымаслык булып үзгәрәчәк.