Нурлатнефть" НГДУсының 2008 елның I яртыеллыгы нәтиҗәләре һәм икенчесенә планнар билгеләү буенча конференциясе нефтьчеләрнең эш нәтиҗәләренә генә багышланып калмады. Бу көнне делегатлар һәм "Татнефть" ААҖ кунаклары хезмәт ветераны, Татарстанның атказанган нефтьчесе, Россия Федерациясенең атказанган нефть һәм газ сәнәгате хезмәткәре Риф Сафиуллинга иң җылы теләкләрен юлладылар. Генераль директорның беренче урынбасары - берләшмәнең баш инженеры Наил Ибраһимов Риф Әхтәмовичның бу һөнәрдәге беренче адымнарын һәм уңышларын искә төшереп үтте. Асылда, НГДУны оештыручыларның берсе ул, диде Наил Габделбариевич предприятиенең баш инженеры турында. Чыгышының икенче өлешендә сөйләүче предприятие эшчән-легенә тукталды. Уңай мисаллар белән беррәттән җитеш-сезлекләрне дә билгеләп үтте. Мәсәлән, бүген "Нурлатнефть" тотрыклы үсүче предприятиеләрнең берсе булып тора, һәм берләшмә буенча 4нче урын - ул әле һич тә чик түгел. Әмма шул ук вакытта тагы да күбрәк көч куярга һәм шуның нәтиҗәсендә берләшмәнең тагы да эрерәк подразделениеләре алдында конкуренциягә сәләтле булырга мөмкин, диде "Татнефть" ААҖ баш инженеры. Алга таба "Нурлатнефть" НГДУсы начальнигы Илгиз Сали-хов беренче яртыеллык буенча тәфсилле анализ ясады. Хисап чорында предприятие планнан тыш 9 мең тонна нефть чыгарган, нефтьнең гомуми күләменнән 46 проценты - катламнарның нефть бирүчәнлеген арттыруның заманча ысулларын куллану нәтиҗәсе. Ашалчы чыганагындагы югары үзлелектәге нефтьне эшкәртү буенча да тәҗрибә - сәнәгать эшләре дәвам иткән. Монда нефть чыгару күләме 6,6 мең тонна тәшкил иткән, ә эшкәртү башыннан бирле 14,0 мең тоннага якын нефть чыгарылган. Хисап чоры эчендә борауланган фонд 23 берәмлеккә арткан һәм 1 июльгә инде 2416 скважина тәшкил иткән. Предприятие җитәкчесе уңай яклар белән беррәттән җитешсезлекләрне дә әйтеп үтте. Мисал өчен, кайбер подразделениеләрдә сәнәгать куркынычсызлыгы өлкәсендәге эшне оештыруның начаррак торуын, нефть чыгаруны арттыруга юнәлдерелгән инвестиция проектлары шартларын үтәү җәһәтеннән скважиналар ремонтлау бүлегенең эше канәгатьләнерлек булмавын билгеләде. Агымдагы ремонтка килгәндә, ЦТРС бригадалары аны 336 скважинада башкарганнар. Һәм 1 июльгә еш ремонтлана торган фондта нибары бер скважина исәпләнә. Бу - "Татнефть" ААҖ НГДУлары арасында иң яхшы күрсәткеч. Скважиналарның эшләвендәге ремонтара чор 1064 тәүлек, бу берләшмә буенча уртача күрсәткечтән 168 тәүлеккә күбрәк.Энергия чыгымнарын азайту да идарә өчен мөһим бурычлардан кала бирә. Һәм, предприятие начальнигы билгеләп үткәнчә, бу уңайдан шактый эш башкарылган, энергоресурсларны экономияләү суммасы 4 млн. сумнан артып киткән. Производство күрсәткечләре һәм социаль юнәлешләр белән таныштырып, И.Салихов нефть чыгаруның еллык планын үтәү буенча бурычны 2 млн. тонна һәм югары үзлелектәге нефть чыгару буенча 25 мең тонна дәрәҗәсендә дип билгеләде.Коллектив шартнамәнең беренче яртыеллыкка үтәлеше нәтиҗәләре буенча НГДУ-ның профком рәисе Салих Әюпов таныштырды. Ул предприятиедә социаль ташламалар һәм гарантияләрдән мәхрүм хезмәткәрләр юк, диде. Цех җыелышлары барышында күтәрелгән мәсьәләләр һәм тәкъдимнәр бергәләп өйрәнү һәм гамәлгә ашыру өчен кадрлар белән идарә итү бүлегенә тәкъдим ителгәннәр. Яшьләрне социаль яклау җәһәтеннән 9 яшь нефтьчегә җиһаз сатып алу өчен 450 мең сум күләмендә процентсыз ссуда бирелгән, 126 кеше шифаханә һәм профилакторийларда сәламәтлекләрен ныгытканнар. Коллектив шартнамә нигезендә профком мәдәни - массакүләм, спорт чараларын һәм башка социаль программаларны оештыруда ярдәм итә. Торак белән тәэмин итүгә килгәндә, С.Әюпов 2005 - 2008 елларда НГДУ хезмәткәрләреннән 99 гаиләнең социаль ипотека буенча фатир алуларын билгеләп үтте. Мәсәлән, агымдагы елда гына да 11 хезмәткәр торак мәсьәләләрен хәл иткән һәм яшь гаиләләргә яңа төзелеп килүче йортлардан 6 фатир бүлеп бирелгән. Әмма проблема бар әле: соципотека буенча торак алу өчен чиратта 120 кеше тора. Соңыннан "Нурлатнефть" НГДУсы начальнигы предприятиенең баш инженерын тәкъдим итте - Роберт Әхмәдуллин НГДУда биш ел эшли, производство бүлеге начальнигы булып торган. Конференциядә шулай ук ТР иҗтимагый платасы әгъзасы, "Татнефть" ААҖ профкомы рәисе Гомәр Яруллин, Нурлат муниципаль районы башкарма комитеты җитәкчесе Һади Садыйков та катнаштылар һәм предприятие эшчәнлегенә бәя бирделәр. Һади Харисович нефтьчеләргә шәһәр һәм районны төзекләндерүдә булышулары өчен рәхмәт әйтте. Шулай ук район территориясенә урнашкан сервис компанияләренең салым түләүләре кертү мәсьәләсен дә күтәрде.
Дуслык С.Ризаева 2008-07-21 10:00:37
Кире кайт
|
|
|
