Төп бинаның фасадын, механик мастерской би­насын буяп, соңгысының тәрәзәләрен алмаштырыр­га җыеналар. Моннан тыш, 7 укучыны җәйге чорда үзләренә эшкә алганнар. "Нигездә егетләр ремонт эшләрендә катнаша, тех­никаны да ремонтлыйлар, буйыйлар да - кыскасы, хезмәт тәрбиясе узалар", - ди АТПның генераль ди­ректоры Идрис Кәримов. Сигез дистәдән артык кеше эшләүче җәмгыятьтә күбе­сенчә ир - атлар булса да, территорияләрендә һәр­кемне аллы - гөлле чәчәк клумбалары каршы ала. Төзекләндерү дигәннән, быел җәмгыять эшчеләре җитәкчеләре белән бер­гәләшеп Мәктәп урамын­дагы 15 еллар ташландык хәлдә булган балалар мәй­данчыгын да җиренә җит­кереп ясап куйганнар әле Территориясен чистартканнар, балалар өчен таганнар, карусель ясаганнар, теләүчеләр биредә үк спорт белән дә шөгыльләнә алалар. Көн саен бирегә якын ти­рәдә яшәүче 15 - 20ләп бала җыела икән. "Без элегрәк балалар белән кичен "Тиенкәй" балалар бакчасындагы мәйданчык­ка кереп уйный идек. Ә хәзер йортыбыз каршына ук бер дигән мәйданчык ясап куйдылар. Балалар гына түгел, яшьләр дә ял итәргә килә әле", - ди ике малай әнисе Татьяна. Шулай да транспорт­чыларның төп хезмәте пассажирлар күчерү, әл­бәттә. Көн саен "Нурлат АТП"сыннан линиягә бар­лыгы 25 автобус чыга. Шуларның 5се шәһәр эчен­дә, 6сы шәһәрара рейста йөри, ә 14е район авылла­ры маршрутында була. Әле якын көннәрдә тимер юлчылар бистәсенә дә яңа маршрут (сынау режи­мында) җибәрергә исәплә­ре. Моннан тыш заказга да эшлиләр. Юл хәрәкәте иминлегенә зур игъти­бар бирелә җәмгыятьтә. Үзләренең уку - өйрәнү классы да бар. Ай саен шунда шоферлар өчен занятиеләр үткәрелә. Юл хәрәкәте кагыйдәләренә кагылышлы һәр яңалыкны да бергәләп өйрәнәләр. Өч дистәдән артык берәмлек техникадан торучы машина паркын да яңар­тып торырга тырышалар транспортчылар. Әле быел гына да район башлыгы Наил Шараповның ярдәме белән "КамАЗ" машинасы кайтартылган. Якын арада лизингка шәһәрара марш­рутта йөрү өчен 36 пасса­жир урынлы чит ил автобу­сы алып кайтырга ниятләп торалар. Укучылар ташу өчен районга кайтарылган 3 автобус янына тагын 5әү кайтырга тиеш. Моннан тыш, халык соравы буенча шәһәрнең кайбер яңа мик­рорайоннарына да авто­бус маршрутлары ачарга ниятлиләр әле. Гел эш диеп рухи якны да онытып җибәрмиләр, әл­бәттә. Мәсәлән, гаиләләре белән бергә җыелышып табигать кочагына ял итәргә чыгуны традициягә керткәннәр алар. Кыска­сы, эшлиләр дә, ял да итә беләләр җәмгыятьтә.