Берәүләр бәхеттә балык суда йөзгән кебек йөзсә, икенчеләр алга бер адым ясауны да бәхеткә санап яши. Бәхетне һәркем үзен­чә аңлый. Ә менә яшәү мәгъ­нәсен әле һәркем дә аң­лый димәс идем. Нәкъ менә шундыйларга  бе­ребезнең дә җиргә болай гына килмәвен аңлату максатыннан, 16 июль көнне райо­­ныбызга ин­де сигезенче тапкыр уз­ды­­рылу­чы автопробег­та катнашучы мөмкинлеге чик­­ле дусларыбыз килеп төштеләр. Аларның төп мак­саты – инвалидлар ара­сында спортны һәм сә­ламәт яшәү рәвешен пропагандалау. Аларга карап яшәү мәгънәсен тагын да аңлыйсың һәм яшәвең белән ныграк горурлана башлыйсың. Әллә ничә томлы китап укып та яшәү мәгънәсен төшенеп бетеп булмас иде. Ә монда барысы да күз алдында.

Әлеге чарага чакыру алгач, мин куану бе­лән беррәттән бераз ике­лә­неп тә куйдым. Имеш, бер белмәгән, бер күр­мәгән ке­шеләр белән уртак тел таба алырмын ми­кән, районнан берүзем ге­нә булгач, сынатмам ми­­кән, дип шикләндем.Кыз­­ганычка каршы, бу ча­ра­да катнашырга чакы­рылган районыбызның мөм­­кинлеге чикле дус­ла­ры­бызның берсе дә ки­лә ал­маганнар. Ләкин бу шикләрем “Чулпан” ла­герена төшүгә томандай таралып юкка чыкты.Бик озак күрешми торган дуслар сыман аралашып та киттек. Көн кызу булу сәбәпле, кунаклар су кое­нырга теләделәр һәм шул максат белән Күңгәр плотинасына юл тоттык. Кемдер су коенды, кемдер үзе­нең зирәклеген сынап, шаш­ка, шахмат һәм башка уеннарда катнаш­ты. Көннең шулай кичкә авыш­кан мәлендә без кабат ”Чулпан” лагерена кайттык, ял иттек, үзара якыннанрак та­ныштык һәм бик дуслашып киттек. Мине Гордеев фамилияле кешенең, күзләре бөтенләй күрүдән мәх­рүм булып та, шашканы сә­ламәт кешеләргә тиң­дәшсез уйнавы бик нык гаҗәпләндерде. Чир­мешән районыннан кил­гән коляскада гына хә­рәкәтләнүче 27 яшь­лек егетнең турникта 47 тапкыр тартылуы аеруча да таң калдырды. Ә инде данлыклы Пара­лимпия уеннарында 3 тапкыр катнашучы, 4 мәр­тәбә дөнья чемпионы, чаңгы һәм биатлон буенча Европа чемпионатының 6 мәртәбә көмеш призеры Ири­на Полякова бе­лән шәх­­­сән танышу, янәшә уты­рып аның фотоаль­бом­нарын карау, һәр җиңүенең ничек бире­лү­ен тың­лауның ни дәрәҗәдә кызык һәм мавыктыргыч булуын сүзләр белән генә аңла­тып бетерү мөмкин тү­гел.

Кич Сәнгать мәктәбе уку­­­­чылары тарафыннан әзерләнгән концерт бе­­лән дәвам итте. Ку­нак­ларыбызның яр­тысы та­тар телен бел­мә­сә­ләр дә, концертны тын да алмыйча карадылар, бик ка­нәгать калуларын әйт­теләр. Һәрбер чыгышлары истә калырлык булды, концерт бик күңелле үтте.Әле­ге чараның ”Чулпан” ла­геренда узуы балалар өчен дә бик кызыклы һәм гыйб­рәтле.

Соңрак Ирина Поля­ко­ва­ның ку­бок, медальләре һәм мактау граммоталары бе­лән якыннан таныштык. Дөресрәге, бүләкләр­нең биш­тән бер өлеше бе­лән генә, чөнки барысын ­да зур юлга алып чыгарга мөм­кин түгел. Ике яшеннән аяксыз калуына карамастан шушындый уңышларга ире­­шүе күп нәрсә турын­да сөйли. Инвалид дип кенә төшенкелеккә би­рел­мәве, кул кушырып утыр­мавы, кайчандыр үзендә көч табуы аны шушындый зур уңышларга ки­терә. Алар бер тавыштан  районы­быз­дагы мөм­кинлеге чикле ке­шеләрнең бер команда бу­лып җыелып, республи­ка күләмендә узучы ярыш­лар­да катнашуыбызны бик­ тә телиләр.

Җиңү шундук килми, ә кеч­кенә җиңелү һәм җи­ңү­ләрдән килә. Иң мө­һиме – курыкмаска үз-үзеңә ыша­нырга кирәк.

Әлеге чарада катнашу­чы һәркемгә районның Яшь­ләр эшләре, спорт һәм туризм бүлеге тарафыннан әзер­ләнгән истәлекле бү­ләкләр тапшырылды. Ки­ләчәктә кабат очрашырга вәгъ­дәләр бирешеп саубуллаштык. Искиткеч онытылмас хатирәләргә бай бул­­ды әлеге көн.

Ә мин, үз чи­ратымда, районның Яшь­ләр эш­лә­­ре, спорт һәм туризм бү­леге җитәкче­се Җә­ләлетдинова Фә­ри­­дә апа­га һәм миңа әле­ге ча­рада кат­нашу мөм­кинлеген тудырган өчен спорт мәктәбе ди­ректоры Һа­шимов Рөс­тәм абыйга чик­сез рәх­мәтләремне бел­­де­рәм!