СОЦИАЛЬ ОБЪЕКТЛАР ЯңАРА

Арча шәһәре һәм районның социаль объектларын капиталь төзекләндерү өчен быел 33,5 миллион сум акча бүлеп бирелгән. Төзүчеләребез райондагы дистәләгән белем бирү, мәдәният, сәламәтлек саклау, мәктәпкәчә учреждениеләрне яңартып, матурлап кулланышка тапшырачак. Хәзерге вакытта мәктәпләрдә, балалар бакчаларында, мәдәният йортларында, китапханәләрдә гөрләп ремонт эшләре бара. Моның турында безгә район башкарма комитеты җитәкчесенең инфраструктура үсеше буенча урынбасары Илдар Фазылҗанов хәбәр итте.