Муниципаль берәмлек Уста­вындагы төп үзгәрешләр ту­рында мәгълүмат белән район Советының баш белгече-юрист Александр Ханеня чыкты. Әлеге мәсьәләнең быел июньдә Совет утырышында каралганлыгын һәм анда үзгәрешләрнең про­екты тәкъдим ителүен, июльдә җәмәгать тыңлаулары булган­лыгын исегезгә төшерәбез. Төп үзгәрешләр җирле үзидарә ор­ганнары мөстәкыйль хәл итәчәк җирле әһәмиятле мәсьәләләр даирәсен киңәйтүгә кагыла. Алар арасында - террорга кар­шы профилактика, реклама ко­рылмаларын куюга рөхсәт бирү. Яңа вазифалар исә авыл хуҗа­лыгы җитештерүен үстерү, про-

дукцияне урнаштыру базарын киңәйтү өчен шартлар булды­руга кагылышлы. Уставның яңа редакциясе ТР Юстиция минис­трлыгында теркәлеп, "Дуслык" район газетасында бастырыл­ганнан соң закон көченә керә. Утырышта район һәм шәһәр­дәге иганәчелек эшчәнлегенең төп юнәлешләре дә яктыртыл­ды, алар турында район Сове­тының оештыру бүлеге мөдире Г.Казакова сөйләде. Иганәчелек эшчәнлеген координацияләү өчен муниципаль район башлыгы рәислегендә Попечительлек советы төзелде. Инде берен­че яртыеллыкта ук совет акти­вында 10 меңнән күбрәк кеше катнашкан 23 чара бар. "Нур-латнефть" НГДУсы, "ТНП-Зүзәй-нефть" ААҖ, "ТатРИТЭКнефть" НГДУсы, "Кондырчанефть" ААҖ, "ТНГК-Развитие" ОООсы, "Кара Алтын" ЯАҖ, "Татнефтедор" ОООсы НУАДы, "Нурлатнефтеп-родукт" ОООсы, "Нурлат УТТсы" ОООсы, "МАКойл" ЯАҖ", "Де-вон-Кредит" банкының иганәче­лек ярдәм суммалары саллы. Якташыбыз А.Мануйлов июльдә балалар бакчаларына урын-җир әйберләре алу һәм 2нче мәктәп­не ремонтлауга акча бирде. Ә

иганәчелек ярдәменең гомуми күләме август уртасына 33 мил­лион сумлык булган инде. Тема­ны "Бердәм Россия" БСПсенең җирле бүлекчәсе сәяси Сове­ты әгъзасы Флюра Ногманова дәвам итте. Ул башта "Бердәм Россия" партиясе игълан иткән "Мәктәпкә җыенырга булыш" акциясендә катнашучыларга рәхмәт белдерде. Акция ба­рышында 133 беренче, 32 икен­че - өченче класска баручы һәм 13 күп балалы гаиләләрдә тәр­бияләнүчеләр саллы ярдәм ал­дылар. Аннан Флюра Рәшитовна партиянең төбәк, җирле сәяси советларының гражданнарга ко­раллы конфликтта зыян күргән Көньяк Осетия гражданнарына ярдәм акциясенә кушылырга ча­кырган мөрәҗәгате турында әйт­те. Утырыш башында Наил Ша-кирович "ТатРИТЭКнефть" НГДУ­сы начальнигы В.Кудасовны һәм җиләк-җимеш питомнигы җитәк­чесе В.Паруковны юбилейлары белән котлады.

Көн тәртибенә куелган мәсьәләләр район һәм шәһәр Советларының депутатлар кор­пусы тарафыннан хупланды һәм расланды.