shahrichalli.narod.ru
Чаллы кызының Пекинда узган Олимпия уеннарында алтын медаль яулавын шәһәр хакимияте лаеклы бәяләде – сөенечле хәбәрнең матбугат битләреннән, телевизор экраннарыннан әлегәчә төшкәне юк. Яңа шәһәрнең «7нче комплекс» тукталышында, реклама такталарының берсендә пәйда булган бу котлауны да спортчыга күрсәтелгән хөрмәтнең бер чагылышы дип карарга кирәк. Шунысы да игътибарга лаек – биредә Гөлнараны татар телендә котлаганнар! Ни генә әйтсәң дә, бездә (Чаллыда) хәзер татар теленә мәрхәмәтлерәк караш бар. Ә менә телне белү, кызганычка каршы, һаман җитми – котлау текстында Гөлнара Сәмитова-Галкинаны “Олимпия чемпионы Пекинда” дип язганнар. “Пекиндагы Олимпиада чемпионы” яисә “Пекин Олимпиадасы чемпионы”, дисәк, ул, мөгаен, татарчарак булыр иде.
Кире кайт
|
|
|
