Ә Зүзәй нефтьчеләренең һөнәри осталык конкурсла­рына скважиналарга капи­таль һәм җир асты ремонты цехы осталарының бәйгесе белән нокта куелды. Әле быел гына яңа хуҗа - нефть сәнәгатендә бай тәҗрибәгә ия Назыйм Шәфыйков җитәк­ли башлаган коллектив ре­монтчылары әлеге сынауга җентекләп әзерләнделәр. - Катнашучыларның берсе-бер каушап калмады, ди бу уңайдан цех механигы Дмит­рий Челышев - 2324нче скважинада көч сынашкан җир асты ремонтчылары да, капиталь ремонттагы оста­лыкларын 2363нче сква­жинада күрсәткән егетләр дә сер бирмәделәр. Баш­ка еллардагыдан аермалы буларак, быел бәйгегә иң көчлеләр генә түгел, ә бары­сы да - җир асты ремонты­ның алты, капиталь ремонтчыларның дүрт вахтасы да чыкты. Конкурсантларга таләпләр дә кырысрак бул­ды: торбаларның тоташ­кан урыннарын майлау да, торбаларны шаблонлау да кертелде конкурс шартла­рына, һәм, билгеле инде, куркынычсызлык техника­сы кагыйдәләренең катгый үтәлешенә дә ныклы игъти­бар бирде комиссия. Җир асты ремонтчылары арасында ике урын би­лгеләнде. Нәтиҗәләрдә аермалар әллә ни зур бул-маса да, җиңүче вахтаның өстенлеге сизелерлек иде. Өлкән оператор Альберт Насыйбуллин җитәкчелеген­дәге вахтаның беренче генә уңышы түгел инде бу. Би­редә хезмәт юлын әзерләү операторы булып башлап, соңрак капиталь ремонт­ка бораулаучы ярдәмчесе булып күчкән, аннары исә җир асты ремонты вахтасы­на өлкән оператор булып баскан Альберт узган ел үзенең вахтасы белән җиңү яулаган иде инде. Җитәкче­лек осталыгын исәпкә алып, икенче бер вахтаны ышанып тапшырдылар аңа, һәм менә оператор Дмитрий Ченда-рев, күтәрткеч машинисты Сергей Имуков составын­дагы әлеге вахта да җиңүгә иреште. Икенче урын алган өлкән оператор Юрий Зай­цев вахтасындагы оператор Анатолий Хмелев, маши­нист Владимир Никоновның хезмәт биографиясендә дә уңышлар аз түгел. Капиталь ремонтчылар­дан былтыр һөнәре буен­ча иң яхшы исемен алган бораулаучы Андрей Белов вахтасының җиңүе дә оч­раклы булмады. Быел алар беренчелекне иң элек бора­улаучы ярдәмчеләре Влади­мир Оренбуров һәм Леонид Волков, машинист Констан­тин Клевлин бер-берсен күз карашларыннан аңлап, бар­лык операцияләрне дә төгәл башкарып яуладылар. Ул яктан көндәшләре - икенче бер вахтаның да күрсәт­кечләре шул чама иде, тик Белов егетләре теоретик сорауларга бик яхшы җавап бирүләре белән оттылар. Конкурсантларның эшләрен бәяләгән комиссия һич тә егетләрнең конкурс көнен­дәге төгәллек һәм җитез-лекләреннән чыгып кына эш йөртми, әлбәттә. Шул исәптән, һөнәре буенча иң яхшыларны билгеләгәндә дә бик күп факторлар ис­әпкә алына. Ә ул фактор­лар арасында иң мөһиме - ремонтчылар хезмәтенең ахыр нәтиҗәсе. Анысы иң элек скважиналарның ре-монтара эшләү чоры мөм­кин кадәр зуррак булуында. Предприятиедә чимал чыга­ру графигының тайпылыш­сыз үтәлүе һәм продукция күләменең тотрыклы арта баруы да күпъяклап шуңа бәйле бит.