Операция үзе бер ай элек башланган иде һәм 20 октябрьгә кадәр барачак. Оператив мәгълүматлардан күрен­гәнчә, хокук бозуларның төсмере төр­ле. Мәсәлән, 25 июльдә Илюткинода А.ның машинасы тикшерелә, аңарда 100 литр солярка табыла. Ул ягулык­ны авыл хуҗалыгы предприятиесендә эшләүче авылдашыннан сатып алган була. Икенче бер очракта Түбән Чал­лыдагы машинаны тикшергәндә тегер­мәннән урланган 5 капчык көрпә һәм 1 капчык он табыла. Зыян 1758 сум тәшкил итә. Узган атнада авыл хуҗа­лыгы предприятиеләренең берсеннән тимер кабул итү пунктына тапшыру өчен 14 меңнән күбрәк сумлык авыл хуҗалыгы техникасы запчастьларын алып чыгалар. Урланган нәрсәне ОВД хезмәткәрләре хуҗасына кайтарып бирәләр. Биляр Озерода ындыр таба­гыннан арпа урлау кебек вак караклы­клар да бар.