“ЯШЬЛЕК” СПОРТКОМПЛЕКСЫНДА шәһәребез предприятиеләре һәм ишегалды командалары арасында футбол уеннары буенча шәһәр беренчелегенә ярышлар үтте. Ул якынлашып килүче Шәһәр көненә багышланган иде. Уеннарда ике группага бүленгән 8 команда катнашты. Аның өчесен предприятие яшьләре тәшкил итсә, бишесендә ишегалды командалары уйнады. Нәтиҗәдә, I урынны – “Лениногорскнефть” идарәсе, II урынны – “ТНГ-ЛенГИС” идарәсе, III урынны – 55 кварталның яшьләр командасы яулады. Җиңүчеләр һәм катнашучылар Яшьләр эшләре, спорт һәм туризм идарәсенең Мактау грамоталары һәм кыйммәтле бүләк ияләре булдылар.