Арча соңгы 10 ел эчендә бик нык алга китте. Киң, чиста, асфальтланган урамнар, матур йортлар, кибетләр, плитәләр белән җәелгән тротуарлар, гүзәл бакчаларда сугыш һәм хезмәт геройларына, язучыларга багышланган һәйкәлләр...

Бөек Ватан сугышы геройларына куелган Җиңү монументы бөтен Арча шәһәренә тантана нуры балкытып тора.

Арчаны республикабызның гүзәл шәһәрләре рәтенә алып чыкканы өчен хакимият башлыгы Алмас әфәнде Назировка рәхмәт. Аллаһы Тәгалә безгә насыйп итте шушындый батыр йөрәкле, булдыклы, талантлы һәм искиткеч оештыру сәләтенә ия булган фидакарь җитәкчене. Кадерен белик, җәмәгать, бу гаярь талант иясенең!