- Коллективыбызда 14 кеше. Төп бурычыбыз суд актла­рын, шулай ук тиешле вә­каләтләр бирелгән башка дәүләт органнары, аерым алганда, ЮХИДИ, ОВД, Ро-спотребнадзор һәм башка­ларның актларын мәҗбүри үтәтүдән гыйбарәт. Үтәтү эшләренең саны елдан-ел арта. Әгәр былтыр безгә 5 меңнән күбрәк шундый эш тапшырылган булса, бы-елның 10 ае нәтиҗәләре буенча аларның саны 7800 булды инде.

Әйе, коллективыбыз зур булмаса да, эш күләме күп, күрсәткечләребез респуб­ликада начарлар исәбендә түгел. 10 ай нәтиҗәләре бу­енча фактик үтәтү дәрәҗә­се 70 проценттан арта (план 65%). Салымнарны эзләтеп алу дәрәҗәсе күрсәткече мөһим, бездә ул пландагы 83 урынына 93,8 процент тәшкил итә. Һәм болар бүлегебезнең квалифи­кацияле, компетентлы хез­мәткәрләренең тырышлыгы нәтиҗәсе.