-10 ноябрьдә Бөгелмә муниципаль районы башлыгы, шәһәр мэры Наил Мәһдиев Мәскәүгә кече шәһәрләр съездына китте. БМО-Хабитат бүләгенә лаек булган шәһәребез хәзер ил күләмендә мәгълүм.
-Атна башыннан иң яхшы машина-трактор паркына конкурс игълан ителде. Техниканың кышкы чорда сакланышы мәртәбәле жюри тарафыннан 20 пункт буенча бәяләнәчәк.
-Оренбург өлкәсенең Әсәкәй районына Бөгелмә районы хуҗалыклары өчен продуктлылыгы югары булган мөгезле эре терлекләр сатып алу максатында, 1,5 миллион сум күләмендә акча күчерелде. Рационны яңадан карап чыгып, терлекләрне асрау, тоту шартларын яхшырту бүгенге көндәге төп бурыч булып тора.
-Узган якшәмбедә булып үткән ярминкәдә шәһәр халкына 10,5 тонна ит, 38 тонна бодай, 54 тонна яшелчә, 8,5 тонна он, 6 тонна карабодай – барлыгы 3 миллион сумлык авыл хуҗалыгы продуктлары сатылган. Яңалык: бу соңгы ярминкәдә Зәй шикәр заводы продукциясе дә тәкъдим ителгән. Бәяләр күпкә арзанрак. Ярминкәләр алга таба да дәвам итәчәк.
-Узган атнада “Али-Баба, мин һәм башкалар” дигән спектакле белән Алексей Баталов исемендәге Бөгелмә рус драма театры үзенең 74 нче сезонын башлап җибәрде.
СССРның халык артисты Алексей Баталовның 20 ноябрьдә узачак юбилеена бөгелмәләр менә дигән бүләк әзерләде – М.Җәлил урамындагы торак йортка (“Люкс” кибете янәшәсендә) капиталь ремонт башланды. Театр училищесын тәмамлап, Бөгелмәгә эшкә килгән яшь актерларга аннан фатирлар биреләчәк.
Кире кайт
|
|
|
