Аның кысаларында районның 256  шәхси ярдәмче хуҗалыгы хуҗалары  гомуми суммасы  42 миллион 120 мең сумлык кредит алдылар.  Беренче елларда узган елга  караганда  ташламалы финанслаудан файдаланырга теләүчеләр   күбрәк иде.  Агымдагы елның ун аенда банклар  тарафыннан  29  шәхси ярдәмче  хуҗалыкка  8 миллион сумга якын акча бүлеп бирелгән. Алынган кредитларның минималь күләме – 70 мең, максималь күләме – 700 мең сум.

Өч авыл җирлеге – Шәпше, Ямаширмә, Биектау авыл  җирлекләре кешеләре  иң актив, иң булдыклы  булып  чыкты,  алар  тәвәккәллек күрсәттеләр һәм эшкә бердәм керештеләр. Шәпшедә – 55, Биектауда – 37, Ямаширмәдә – 33 шәхси  ярдәмче хуҗалык, үз вакытында  кредит алу өчен документларны  тапшырып һәм конкрет финанс ярдәме алып, бүген аның яхшы нәтиҗәләрен күрәләр.  Ә менә Мәмдәл, Семиозерка, Сосновка  авыл җирлекләрендә әлегә кадәр  мондый адымны ясарга берәү дә тәвәккәлли алмый.