Соңгы елларда түбәдән су үтә башлагач, аны төсле калай - профлист белән ябарга ниятлиләр. Күмәкләп тотынгач моңа акча да бик тиз җыела. “Шушмаойл” оешмасы 100 мең сум акча бирә. Канадада яшәүче Мәсхүт Җиһаншин да 35 мең сум акча җибәрә. Габдулла Фәтхетдинов, Салих Нәҗиповлар – 10ар мең, Таһир Минһаҗев – 5 мең, Малик Шәмгунов, Шәфигулла Шарапов, Наил Шәкүров, Рөстәм Сөләйманов, Мирзаһит Гатин, Ильяс Гатин, Илдус Гатиннар – 1әр мең сум акча биргәннәр. Шулай ук башка авылдашлары да изге эштән читтә калмаганнар. Гаеттә җыелган сәдакалар да зур ремонтка тотыла.
Әлмәт районының Ерсубай авылыннан яллаган дүрт егет эшне бик тиз һәм чиста башкарганнар. Осталарга Гөлмәрьям апа Фәхрисламова төшке аш әзерләгән.
- Яңа түбә яңгырларда сынау үтте инде,-диделәр мәчет картлары.
Дин йорты яңа төс алган, ә бирегә йөрүче бармы соң? Бар икән, гадәти көннәрдә һәм җомга намазына 15-19 бабай килсә, гает көннәрендә 100ләп кеше җыелып, алар мәчетнең намаз уку бүлмәсенә генә сыймаган вакытлар да була икән.
Кадрия
Гамирова.
Кармыш авылы.
.
Кире кайт
|