УЗГАН ЯЛЛАРДА БАЛАЛАР ИҖАТ ЙОРТЫНДА ГАИЛӘ ЕЛЫ КЫСАЛАРЫНДА “Вот такие пироги!” дип исемләнгән шәһәркүләм бәйге үткән. Бәйгедә 9 гаилә катнашып, һәрберсе берәр шәһәр мәктәбе исеменнән чыгыш ясаган. Алар  гаиләләре барлыкка килү тарихын, үзара мөнәсәбәтләр хакында бәян итеп, җыр башкарган, шигырь укып, үзләрен тәкъдим иткән. Әниләр һәм әбиләр “Мәкальне язып бетер” конкурсында ярышса, әтиләр аш-су конкурсында кайсы азыкны ничек пешерү рецептын белүдә көч сынашкан. Тамашачыларга аеруча “Фирма пирогы” бәйгесе ошаган, ди, чөнки пешереп килгән тәм-томнар – гөбәдия, бавырсак, торт, коймаклардан авыз итү мөмкин булган. Шулай ук һәр гаилә “Менә шундый талантлы без” девизы белән үзләренең иҗади сәләтләрен дә ачкан.

Нәтиҗәдә, 11 нче гимназия исеменнән чыгыш ясаучы Әбеләизевләр гаиләсе абсолют беренчелекне алып, катнашучы һәр гаилә төрле номинацияләрдә җиңүче дип табылган, һәм, әлбәттә, берсе дә бүләксез калмаган.