Алар 1991   елның матур җәендә гаилә корып җибәргәннәр. Бүгенге көндә безне – өч балаларын тәрбиялиләр.

Әнием бик тә уңган, чибәр, кешеләргә   ягымлы, игътибарлы, ярдәмчел. Безне һәрвакытта да  олыларга һәм кечеләргә ярдәм итәргә, мәрхәмәтле булырга өйрәтә. Әнием чисталыкны,  пөхтәлекне ярата, тәмле-тәмле  ризыклар пешерә. Кышка бик  күп  төрле  салатлар, компотлар, вареньелар әзерли, безгә оекбаш-бияләй, матур кофталар бәйли.

Шундый уңган-булган әниебез белән без горурланабыз. Аңа борчу-хәсрәт китермәскә, кәефен төшермәскә тырышабыз: тырышып укыйбыз, өй эшләрендә булышабыз, әйткән сүзен һәрвакыт тыңлыйбыз. Әниебезне якынлашып килүче бәйрәм – Әниләр көне белән котлап, аңа сәламәтлек, бәхет-шатлык, озын гомер телибез.