Оештыру комитеты һәм шәһәр предприятиеләре, оешмалары һәм уч­реждениеләре арасында "Безгә Яңа ел ишек кага" дигән иҗат бригадалары смотр-конкурсын һәм "Кыш-2009" район яңа ел конкурсын үткәрү турындагы нигезләмәләр расланды. Әзерлекнең күп кенә агымдагы мәсьәләлә­ре башкарма комитет һәм службалар җитәк­челәре катнашында эш барышында карала. Ә кичә оештыру комитетының беренче, киңәй­телгән утырышы булды.

Оештыру комитеты рәисе урынба­сары - район башкарма комитеты җитәкчесенең социаль-мәдәни үсеш буенча урынбасары Рәмзия Синга-туллинаның әйтүенчә, яңа 2009 елга әзерләнү һәм бәйрәм итүне план­лы рәвештә, кабаланмыйча, әйбәт һәм кызыклы традицияләрне исәпкә алып үткәрергә дигән карарга килен-гән. Әмма яңалыклар кертү мәҗбүри шарт булачак. Әйтик, яңа ел бригада­лары катнашындагы конкурста төрле - карнавал, шоу, клоунада формала­рын, музыкаль яки шигъри, театрла-штырылган тамашалар, халык әкият­ләрен эшкәртеп, мультфильмнар яки кинотасмалар күрсәтүләрне файда­ланырга тәкъдим ителә. Яңа елның символы - Үгез, һәм аның үзгә ха­рактеры һәм билгеләре бар. Жюри сәхнә культурасы һәм костюмнар, оригинальлек белән кушылган иҗа­дилыкны һәм башкаларны да хупла­ячак. Дәртләнеп эшкә алыныйк! Территорияләрне, биналар һәм йор­тларның фасадларын бизәү буенча конкурслар турындагы сорауга Рәм­зия Сингатуллина оештыру комитеты һәм җәмәгатьчелекнең бу җәһәттән зур өметләр баглауларын әйтте. Ха­лык яңа ел бәйрәмен ярата, һәм аңа уйлап чыгарулар, фантазия белән әзерләнергә кирәк. Район конкурсы түбәндәге номинацияләрдә игълан ителә: чыршы шәһәрчеген һәм ведомство территориясен, шәхси йортлар һәм балконнарны бизәү, урамнарны бәйрәм утлары белән бизәү, шулай ук мәктәпләр һәм ба­лалар бакчаларының бизәлеше. "Кышкы җыр" һәм иң отышлы яңа ел костюмына конкурслар да бу­лачак. Традиция буенча, барлык нә­тиҗәләр дә шәһәр чыршысын танта­налы ачканда игълан ителәчәк, җиңү­челәрне дә шунда котлаячаклар. Оештыру комитетындагылар массо-вый чараларда шәһәрлеләр генә тү­гел, ә авыллардан иҗат төркемнәре дә катнашачагына ышаналар. Кыска­сы, Яңа елны бергәләп каршы ала­чакбыз. Эштә уңышлы нәтиҗәләр­гә һәм яхшы һава торышына өмет белән.