БОГДАШКИНО ПОЧТА ЭЛЕМТӘСЕ

бүлекчәсе начальнигы Юлия Рома-нова "Иң яхшы хат ташучы" респуб­лика һөнәри осталык конкурсында IV урын яулап кайтты. Аңа Рәхмәт хаты һәм истәлек сувениры тапшыр­ганнар. Ярышларда 44 почтампт вәкилләре, шул исәптән Казаннан да катнашканнар. Элемтә технику­мын тәмамлаганнан соң Юлия 16 ел почтада эшли, югары производство күрсәткечләренә ирешә. Моңа кадәр узган районара хат ташучылар кон­курсында ул җиңүче булган иде.

БҮГЕН Мөселманнарның Диния назәрәтендә чираттагы VI пленум утырышы уза. Аның эшендә безнең районнан мөхтәсиб Таһир хәзрәт Әх-мәдиев та катнаша.

УЗГАН АТНАНЫҢ җомга, шимбә, якшәмбесендә мәгариф идарәсе белгечләре һәм ИМЦ методистлары өчен ИНПОның мәгариф идарәсе ка­федрасы мөдире, педагогия фәннәре кандидаты Е.Казыльская "Маркетинг һәм менеджмент принциплары ниге­зендә мәгариф учреждениесе белән идарә итү" дигән темага укулар үт­кәргән. Мондый курслар ноябрь ае башында 1нче мәктәп базасында район мәктәпләре җитәкчеләре өчен уздырылган булган. Атна башында әлеге теманың элементларына ни­гезләнеп Чулпан урта мәктәбендә комплекслы тикшерү башланды. Ул дүрт көн дәвам итәчәк.