Район башкарма комитеты һәм “Челны овощи” агрофирмасы” ҖЧШ арасындагы килешү нигезендә айга якын үзәк базарда агрофирма (элекке “Ворошиловский” совхозы) яшелчә белән сәүдә итте. Зәйлеләр кәбестә, кишер, чөгендер, суган кебек яшелчәләрне чагыштырмача арзанга  алу мөмкинлегеннән канәгать калды. Соңгы вакытларда, кәбестәдән кала, башка төр яшелчәләр инде  үтми дә башлады. Бу аңлашыла – халык яшелчәгә булган ихтыяҗын тулысынча канәгатьләндерде.

Шимбә һәм якшәмбе – фирманың Зәйдә сезонлы сәүдә оештыруының соңгы көннәре. Шуңа күрә мөмкинлекне кулдан ычкындырмагыз.