Татар мәдәният үзәгенең халык театры күптән түгел мәркәзебез Казанда үткәрелгән Халык театрлары ункөнлегенә барган иде. Ункөнлекне исә нәкъ менә безнең театр башлап җибәрде. Бу үзе дә безнең театрның республика күләмендә абруе зур булуын күрсәтүче бер галәмәт, әлбәттә. Безнекеләр Туфан Миңнуллин әсәре буенча Татарстанның атказанган мәдәният хезмәткәре Флюра Шәрипова куйган “Алты кызга бер кияү” спектаклен алып барганнар иде. Спектакльне карарга Татар Дәүләт академия театры артистлары, үзләре дә шундый ук спектакльдә уйнаучылар – Нәҗибә Ихсанова, Илдус Әхмәтҗанов, әсәрнең авторы Туфан Миңнуллин һәм башкалар килгәннәр һәм, әйтүләренә караганда, спектакльне карап, бик мәмнүн /канәгать/ булганнар.
Режиссер Флюра Шәрипованың хәбәренә караганда, театр беренче урынны яулаган. Әле күптән түгел генә оешып эшли башлаган театр өчен бу – бик зур казаныш. Без аны уңышлары белән тәбрик итәбез һәм безгә шәһәребез һәм районыбыз җәмәгатьчелеге дә кушылыр дип ышанабыз.
Кире кайт
|
|
|
