Таныш булыгыз: без!

"Әлмәт таңнары" Әлмәт шәһәрендә һәм районында татар телендә чыга торган бердәнбер газета дисәң дә була. Һәм  ул иң төп һәм әйдәп баручы газеталарның берсе булып тора. Аның беренче саны 3807 данә белән 1990 елның 1 гыйнварында чыкты. Соңгы 5-6 елда аның 4000 данәдән кимегәне булмады. Уртача тираж 4300 - 4400 данә тәшкил итә. Әлмәттә тагын 20 ләп газета-журнал чыгуын искә алганда, бу татар газетасы өчен аз сан түгел. Безнең тираж сертификациләнгән.

"Әлмәт  таңнары" газетасы атнага 3 тапкыр чыга. .омга саны 16 битле булып басыла.   

 Редакция беренче көннән үк тәҗрибәле кадрлар белән тупланды.  Бүген коллективта 19 кеше хезмәт куя. Шуларның җидесе иҗат белән шөгыльләнүче хезмәткәр.  7  хезмәткәр ТР Журналистлар берлегендә әгъза булыр тора. Газетаның җиде хезмәткәре, "Әлмәт таңнары" тәкъдим итүе буенча 3 җәмәгать хәбәрчебез публицистика бу­енча Рафаил Төхфәтуллин исемендәге премиягә лаек булдылар. 4 кеше "Татарстанның атказанган мәдәният хезмәткәре" исемен йөртә. Моннан тыш ТР министрлыкларының, шәһәр һәм район хакимиятенең, Журналистлар союзының һәм башка органнарның Мактау грамоталарына, почетлы дипломнарына ия булучылар да байтак. Шунысын да билгеләп узасы килә, "Әлмәт таңнары" газетасында эшләүчеләрнең барысы да каләм тибрәтә, шулай ук фотосурәтләр ясый, компьютерда эшли белә. Газетабыз штаттан тыш хәбәрчеләргә дә бай.

Газета республика, шәһәр һәм район, күләмендә уздырылган төрле бәйгеләрдә дә актив катнаша һәм җиңүләр яулый. 2005 елда массакүләм мәгълүмат чаралары арасында оештырылган  республика күләмендәге бәйгеләрнең 12 сендә  дипломант исеменә лаек булды. 2006 елда да шундый ук 13 җиңү яуланды. 

 Кыскасы, "Әлмәт таңнары" армый-талмый халыкка хезмәт итүен дәвам итә. Ул газета укучыларны шәһәр һәм район тормышы, төрле вакыйгалар,  мәгълүматлар, хезмәт алдынгылары, тормышыбыздагы тискәре яклар белән таныштырып барудан тыш халыкның югала барган кыйбласын табышуга, татар халкының иҗтимагый, мәдәни, әдәби һәм әхлакый мирасын, туган телне кабат кайтаруга, әхлакый саф кешеләр тәрбияләүгә зур игътибар бирә, бу уңайдан чын-чынлап көрәшчегә әверелде. Редакциягә килгән күпсанлы хатларның эчтәлегенә караганда, укучылар да без алган кыйбланы хупладылар, эшчәнлегебездән канәгатьләр.

Безнең адрес: 423450, ТР, Әлмәт шәһәре, Ш.Мәрҗани урамы, 82.

Телефоннар:

25-52-89 - баш мөхәррир

25-52-27- баш мөхәррир урынбасары

25-66-20 (факс)  - кабул итү бүлмәсе,

25-52-27 - бухгалтерия

25-18-29 - җаваплы сәркатип.